විහාරාධිපති කතළුවේ සුමේධ ස්ථවීර යන්ගේගේ අනුඅට වන ජන්මදින උත්සවය

​අප විහාරස්ථානයේ විහාරාධිපති කතළුවේ සුමේධ ස්ථවීර යන්ගේගේ අනුඅට වන ජන්මදින උත්සවය 2020 මැයි මස දහවන දින විහාරස්ථානයේ පැවත්විනි.

කතලුවේ සුමේධ ස්ථවීර චරිතය
 
අහංගම, කතලුවේ, කොටේගොඩදී ක්‍රි. ව. 1922 මැයි මස 10 වැනි දිනට යෙදී තිබුන වෙසක් මස පුරපසළොස්වක දින මෙලොව එළිය දුටහ. පියා ඒ. දිවියාගහගේ, මව එස්. සුදුවැලිකන්දගේ. පවුලේ සහෝදරයන් තුන් දෙනෙකු සහ සහෝදරියන් තිදෙනෙකි. සුමේධ ස්ථවීරයන් පවුලේ හතර වැන්නාය.එනම් පී. දිවියාගහගේ ය.ඉගෙනීම අහංගම ශාරිපුත්‍ර විද්‍යාලයෙනි. 1935 දෙසැම්බර් 2 වෙනිදා කතලුවේ බෝගහවත්තේ ශ්‍රී විජයසුන්දරාමාධිපති මතුරට, පේමරතන මාහිමිපාණන් වහන්සේගේ සිසුවකු හැටියට එම විහාරස්ථානයේ පැවිදි විය. උපාධ්‍යාය වූයේ කොළඹ වැල්ලවත්තේ, ශ්‍රී විජයාරාමාධිපති සාහිත්‍ය විශාරද පණ්ඩිත අහංගම ශ්‍රී පක්ඤාලෝක මාහිමිපාණන් වහන්සේය. උපසම්පදාවකෙ 1943 ජූලි මස 4 වෙනිදා වැලිගම, පැලෑනේ ගංගාරාමස්ථ උදකුකෙඩප  සීමාමාලකයේදී ය. කර්මස්ථාචාර්යයන් වූයේ තංගල්ලේ වේදානන්ද මාහිමි, කඹුරුගමුවේ රතනජෝති මාහිමි, පණ්ඩිත කහදාවේ මහින්ද මාහිමි යන තුන් නමයි. උපසමපදාවේ දී උපාධ්‍යය වූයේ වේරහම්පිට සිරි රේවත මාහිමිපාණන් වහන්සේය.
 
එකල අප නිකායේ මහා නායකධුරය හොබවන ලද්දේ අතිගරු පැලෑනේ සිරිවජිරඥාණ මහා නායක මාහිමිපාණන් වහන්සේය. ස්වකීය ආචාර්ය පාද්‍යාණන් වහන්සේගෙන් මූලික අධ්‍යාපනය ලබා අහංගම විද්‍යාචන්ද්‍ර පිරිවෙන,  අහංගම සිද්ධාර්ථ පිරිවෙන, ගාල්ලේ විද්‍යාලෝක පිරිවෙන, කොළඹ මාලිගාකන්දේ විද්‍යෝදය පිරිවෙන යන පිරිවෙන් වලිනි. 1958 දී විද්‍යෝදය සරසවිය පටන්ගැනීමේදී පළමුවෙන් ඇතුලත් වූ ශිෂ්‍යයන්ගෙන් කෙනෙකි, කතලුවේ සුමේධ ස්ථවීරයෝ.

 
1964දෙසැම්බර් 14 දින, ආචාර්ය පාද්‍යාණන් වහන්සේ අපවත් වූහ. අහංගම කලක් වාසය කොට ඉන්පසු පානදුරේ ගිම්පත ශ්‍රී සද්ධර්මරාජාරාමයට පැමිණියේ එහි අධිපති ශාස්ත්‍රාචාර්ය පණ්ඩිත, කතලුවේ. චන්දිම ස්වාමීන්වහන්සේගේ ඇරයුම පරිදිය. අවුරුදු 15ක් පමණ එහි වාසය කලෙය. .  1969-09-21 වන දින රත්මලානේ ශ්‍රී ධර්මරක්ෂිත ත්‍රිපිටක ධර්මායතන පිරිවෙනට ගුරුවරයකු වශයෙන්1983-07-23 තෙක් එහි සේවය කෙලෙමි.  1978 ජනවාරි 28 වැනිදා මොරටුවේ, ගොරකානේ, ශ්‍රී ධර්මරක්ෂිතාරාමයට පැමිණියේ එහි අධිපති කපුගම ධම්මින්ද ලොකු හාමුදුරුවන් වහන්සේගේ ඇරයුම පරිදිය. තරමක ගිලන් බැවින් වැඩසිටිය කපුගම ධම්මින්ද මාහිමිපාණන් වහන්සේට සියතින්ම උපස්ථාන කෙලෙමි. 1992 මාර්තු මාසයේ දඹදිව සියලු ස්ථාන වැඳපුදා ශ්‍රී ලංකාවට සැපත් විය. 1993 මාර්තු 10වැනි දින කපුගම ධම්මානන්ද මාහිමිපාණන් වහන්සේගේ අපවත් වීමෙන් පසු ගොරකානේ ශ්‍රී ධර්මරක්ශිතාරාමයට එදා රැස්වූ සංඝ සභාවත් දායක සභාවත් මා ධර්මරක්ශිතාරාමයේ අධිපති ධූරයට පත්කරගන්වන ලදී.
පැවිදි සහෝදර පිරිස.

1. අහංගම, කතලුවේ, පිරිවිජයසුන්දරාමාධිපති ශ්‍රී ධර්මරක්ෂිතවංශාලංකාර අනුවිජජක පුජ්‍ය හබරාදුවේ, නන්දනායක ස්වාමීන්ද්‍රයන් වහන්සේ
2. පානදුරේ, ගිම්පත සිරි සද්ධර්ම රාජා රාමාධිපති ශාස්ත්‍රාචාර්ය පණ්ඩිත ශ්‍රී ධර්මරක්ෂිතවංශාලංකාර පුජ්‍ය කතලුවේ චන්දිම ස්වාමීන්ද්‍රයන් වහන්සේ
3. ගාල්ලේ වැකුණාගොඩ ධර්මායතනාධිපති දෙහිවල සුබෝධාරමවාසී සාහිත්‍යාචාර්ය පුජ්‍ය බඹරැන්දේ සිද්ධාර්ථ ස්වාමීන්ද්‍රයන් වහන්සේ.

 
තෙරුවන් සරණයි.    (කතලුවේ සුමේධ ස්ථවීරයන් තම අත් අකුරින් ලියන ලද ලිපියක් ඇසුරිනි.)



2020 මැයිමස 10 වන දින

---